ISIPILIYONI SIKA SANDILANDS SIMENZE WAYIGUGU

Unozinti we-Orlando Pirates, uWayne Sandilands.  Isithombe: Goal.com

Nokwanda Ncwane

Ubevutha engabaselwe unozinti we-Orlando Pirates uWayne Sandilands, emdlalweni we-Absa Premiership ezakhe ebezitholene kuwo neBlack Leopards enkundleni yezemidlalo eThohoyandou, ngempelasonto.

Sekuwumlando ukuthi ezika Magebhula zinqobe lo mdlalo ngegoli elilodwa eqandeni sekuvalwe amehlo, okube umkhonto ogwaze ekhaya kaThabiso Mokoena ngemuva komnyakazo ka Vincent Pule we-Orlando Pirates, ngesikhathi sikanompempe.

USandilands, osemnkantshubovu ukhethwe njengomdlali ovelele kulandela ukushaya into ecokeme kulo mdlalo. Lo nozinti usebenze kanzima ukuvimba imizamo yabagadli be Lidoda Duvha, okuyikho okuqikelele ukuthi isiwombe sokuqala siphela ingahambi phambili. Ngesiwombe sokuqala, iLeopards iyona ebihlasela ngamandla, iphinde yaba namathuba amaningi kepha yahluleka ukuwasebenzisa.

Ephawula ngemuva komdlalo uSandilands uthe “Ngibonga labo abaqeqesha onozinti eqenjini ngokusebenza ngokuzikhandla uma sizilolonga. Kuyamangalisa indlela iqembu elidlala ngayo ngokuzimisela. Kumele sizithobe, siqhubeke nokwenza kahle.”

UMqeqeshi we Lidoda Duvha ukhale ngamathuba ezakhe eziwalahlile, egcizelela ukuthi bebedinga amaphuzu amathathu, okungenani elilodwa. “Sizamile njengeqembu, umuntu obephakathi kwethu namaphuzu amathathu uWayne Sandilands,”

“Ukulimala kwabadlali nakho kube ingqinamba ephoqe ukuba kushintshe enkundleni, ebesikuhlelele lo mdlalo.” Kusho u-Alan Clark.

Ezika Clark, zingezinye lamaqembu alengelwa izembe njengoba zilele endaweni yeshumi nane ngamaphuzu angamashumi amabili, ngemuva kwemidlalo engamashumi amabili nanye.

UJoseph Zinnbauer ocija iBhakabhaka uthe, “USandilands ube inhlanhla yethu enkulu esize ukuthi sinqobe lo mdlalo. Sijabule kakhulu ngamaphuzu amathathu, kuyakhombisa ukuthi iqembu lilangazelele impumelelo ngokunqoba imidlalo. Sesibheke umdlalo phakathi kwethu nomkhaya iKaizer Chiefs mhla zingamashumi amabili nesishiyagalolunye kwephezulu.”

Ukunqoba lo mdlalo kwe Pirates sekuyibeke endaweni yesibili kwi log yesicoco se-Absa Premiership, ngamaphuzu angamashumi amathathu nesishiyagalolunye ngemuva kwemidlalo engamashumi amabili nanye.

 Izimbangi zayo ezinkulu iKaizer Chiefs isaqhwakele esicongweni se log ngamaphuzu angamashumi amane nanhlanu ngemuva kwemidlalo engamashumi amabili.          

Kumnyama kweziMnyama

UNtsikelelo Nyauza okwesokunxele, egadulisana noLeonardo Castro okwesokudla, emdlalweni weligi obungempelasonto. Isithombe abe supersport.com

Nokwanda Ncwane

Liqhubekile ishobolo lokunganqobi imidlalo elibhekene neqembu i-Orlando Pirates kulandela ukushawa izimbangi zayo ezinkulu iKaizer Chiefs emdlalweni womkhaya lezi zinkunzi zase Soweto ebezitholene kuwo ngoMgqibelo, eFNB Stadium.

Kulo mdlalo bekulindeleke ukuthi eziMnyama zibuyise izinduku kwazise ziwashiswe ijezi yiyo iKazier Chiefs emdlalweni womkhumula jezi we Telkom Knockout ngesonto eledlule. Lo mdlalo ububanjelwe eMoses Mabhida Stadium eThekwini. Amakhosi anqoba lo mdlalo sekukhahlelwa amaphenathi, ngemuva kokudlala ngokulingana.

Isiwombe sokuqala sivule ngegoli lika Ntsikelelo Nyauza okube umkhonto ogwaze ekhaya, kwalandela elika Leonardo Castro elenze yahamba phambili iChiefs ngamagoli amabili eqandeni. UVincent Pule uvalele phakathi i free kick ayizwe ngendaba unozinti weChiefs, uDaniel Akpeyi, ngomzuzu wama-39. Isiwombe sokuqala siphele Abafana bokuThula noXolo behamba phambili ngamagoli amabili kwelilodwa.

EziMnyama zibuye zingabaselwe esiwombeni sesibili zakha amathuba kubonakala zifuna ukuwunqoba umdlalo. UGabadinho Mhango wazo eziMnyama ulivalele enethini elokulinganisa ngomzuzu wama-60. Injabulo yeBhakaniya iqedwe uDaniel Cardoso ngomzuzu wama-84, evalela phakathi iphenathi Amakhosi ayithole ngemuva kokudlaliswa kabi ebhokisini kuka Bernard Parker. Amakhosi anqobe lo mdlalo ngamagoli amathathu kwamabili, ahamba nawo wonke amaphuzu amathathu.

Ephawula ngemuva komdlalo umqeqeshi weziMnyama ukhale ngamathuba ezakhe eziwatholile kepha zangawasebenzisa ngendlela. Uphinde wagxeka isenzo sabadlali sokubambana ngezihluthu enkundleni nokuholele ekutheni athole ikhadi elibomvu umdlali wasemuva weChiefs uEric Mathoho.
"Kubalulekile ukuthi abaqeqeshi bakhulume nabadlali bamaqembu abo mayelana nokuziphatha kahle enkundleni, bangaziphathisi okwezixhwanguxhwangu." kusho uRhulani Mokwena.

EziMnyama zilele endaweni yesishiyagalolunye ngamaphuzu ayi-13 ngemuva kwemidlalo eyi-11. Izimbangi zayo ezinkulu, Amakhosi aqhwakele esicongweni se log ngamaphuzu angama-28 ngemuva kwemidlalo eyi-11. Amakhosi avule igebe lamaphuzu ayishumi njengoba elandelwa iMamelodi Sundowns elele isibili, ngamaphuzu ayi-18 ngemuva kwemidlalo eyishumi.

ORLANDO PIRATES HEAD COACH RESIGNS

Orlando Pirates Head coach, Milutin Sredojevíc who resigned on Friday night.
Image: Orlando Pirates Media

Nokwanda Ncwane

Orlando Pirates has announced that Head coach, Milutin Sredojevíc has resigned on Friday, for personal reasons he did not disclose, after spending two seasons in charge of the Buccaneers.

A statement issued by the club on their official webiste stated "The club would like to place on record that this decision was taken unilaterally, and it was the management's decision to accept Mr Sredojevíc to vacate his position based on reasons he has presented which are of a personal nature."

"Rhulani Mokwena assumes coaching responsibilities assisted by Fadlu Davids and Franck Plaine." The statement continued to read.

Bidding farewell to the fans Micho said "I would like to take this moment to thank the supporters, the spiritual owners of Orlando Pirates and the chairman of the club, Dr Irvin Khoza. I wholeheartedly appreciate all the 740 days that we have spent together."

"I really value and appreciate each and every moment spent with you and as we are always saying, once and always." He continued to say.

Under Micho, the Soweto giants ended runner-ups in the league to Mamelodi Sundowns in the past two seasons. They also reached the final of last season's Telkom Knockout competition and lost to Baroka FC on penalties. In the 80 games that he was in charge of the club across all competitions, Orlando Pirates won 35 games, drawing 26 and losing 16.

According to Football  256, an online publication that extensively covers Ugandan football and Africa at large, Milutin has been appointed as Head coach of Egyptian club, Zamalek and the club president Mortada Mansour has confirmed the news. However, there is no official statement that has been issued by the club confirming the news.